Tilfar og tiltøk sum tit kunnu fáa á tykkara bókasavn:

• Upplestur. Vit kunnu skipa fyri at eitt fólk kemur á tykkara bókasavn til eina søguløtu, at lesa myndabókina “Mítt botnlív” hjá Lina Bondestam upp. Tá tit melda tykkum til, finna vit útav nær viðkomandi skal koma at lesa, og tit koma endiliga við ynskjum um nær tað passar best hjá tykkum.

• Heimsmálskassar. Vit hava bílagt pappkassar frá Føroya Prent, og tey bókasøvnini sum melda seg til viku17 kunu fáa eitt sett av litfagrum pappkassum (ein til hvørt heimsmál). Kassarnir skulu avheintast á Landsbókasavninum í Havn. Hesir kassarnir eru 26 x 26cm – og teir kunnu leggjast saman tá teir ikki eru í brúk.

• Plakat við heimsmálunum. Heimsmálini hjá ST eru týdd til føroyskt, og plakatin er at finna á heimasíðuni hjá Landsstýrinum. Hon kann eisini takast niður sum pdf fíla niðanfyri. heimsmál_plakat_há 

• Ruskbingo. Bingoplátan til ruskbingo kann takast niður sum pdf. Hetta leggur upp til at vit fara út at leita eftir ruski í nærumhvørvinum, og at ein full pláta gevur onkran lítlan vinning frá bókasavninum. Ruskbingo pdf

• Nám hevur eisini eina góða temsíðu um heimsmálini, har nógv áhugavert tilfar er. Nám.fo